كاست ٣ تكنيكات للتوب ووتر top water (البنسل) 3 tips to boost topwater pencil success باكسرين

مساكم الله بالخير 🌹 . . . أنواع التكنيك بالتوب ووتر البنسل topwater (pencil) .. . . كثير من الأسئلة تيي لنا بالخاص وللاخوان في طريقة استخدام التكنيك لل لورز الميارير وطبعاً في وايد أنواع للميارير .. . . حبيت أوضح بالفيديو ٣ أنواع من مثل ما نقول أساسية من التكنيكات للتوب ووتر (البنسل) pencil ومهمة جداً ودائماً نقول خل تفكيركخارج الصندوق لا تلزم نفسك بشي وخلاص هذيل ٣ انواع تقدر تدمج بينهم تقدر تسوي اكثر من شي لازم الواحد يسعى ويجتهد ويجربوينوع لين يوصل حق الهدف اللي يبيه في بعض الأيام نطلع ونشوف السمج يلحق الميرور وما يطقه ليش!!؟ عدة عوامل كثيرة منها انه شبعانمنها طريقة التكنيك منها الحجم للميرور منها اللون منها عدم الوصول للاكشن والتكنيك اللي يجذب السمجة الخ عدة عوامل فالتنويع وبذلالأسباب جدا مهم إلى ان نصل للحل .. . . التوب ووتر من الانواع اللي تخليك تنطر اللحظة للضربة على الميرور من قبل السمجة فعلاً شعور رائع لمن تشوفها واهيا تدغف وتضرب على الميرور 👌🏽🎣💥.. . . مصلحات مهمة جداً ((دائماً نسمع مصطلحات بس مرات نقول يعني شنو فهذا توضيح لها)) retrieve اللي نقصده فيه حركة الهاندل فيالمكينة سواء ربع لفة أو نص لفة أو لفة كاملة أو بشكل مستمر سواء بطيء أو سريع .. + Twitch اللي نقصده فيها يعني حركة القصبة(الضربات اللي تصير بالقصبة يسمونها توتش في اتجاه كانت سواء يمين او يسار او فوق او تحت حسب طبيعة المكان) + pause البوزيقصد فيه الوقفة (وقفة الميرور عن السحب والتوتش) وتتنوع ما بين ثاني او ثانيتين او اكثر مافي قاعدة معينة .. . . الخلاصة ((تقدر تنوع بالكاست الواحد ما بين التويتش والبوز والرتريف)) والتجارب اهيا اللي تعطيك الخبرة وملاحظة مهمة وايد من الضربات تيي لك عن طريق الوقفة (البوز) وتشوف الضربة بالتوب ووتر اما تحت الماي تحس فيها ويصير الفايت (( طبعاً بالفيديو بتعليقي ذكرت اغلب السمج يضرب على البوز لا طبعاً مو المقصد نسبة كبيرة ولكن في كثير من السمج يضرب على البوز)) للتوضيح.. . . باذن الله هناك فيديوات وخطط قادمة .. نتمنى لكم مشاهدة ممتعة أعزائي واخواني المتابعين .. أخوكم ومحبكم/ حسين علي عبدال (بونور) @kayakchiy_Q8 على الانستقرام + اليوتيوب تعليقك سواء بالإعجاب أو بالنقد فهو للمصلحة وله كل التقدير والاحترام .. نلتقي معكم في حلقات قادمة باذن الله .. أتمنى الإشتراك بالقناة وتفعيل زر التنبيه (علامة الجرس) .. ولا تنسون لايك وكومنت لدعم القناة .. ونسأل الله التوفيق لنا ولكم

الفئة