معمول السميد | شيف حنين باكسرين

الطريقة مكتوبة لمعمول السميد 🔥 - حنين عبد الرحمن ✋🏻 معمول السميد .. استعملت الأكواب المعيارية ،، ٣ أكواب سميد فرخة ، ٢ كوب سميد نااعم ، ملعقة صغيرة محلب مطحون جديد لتظهر نكهته أقوى ، ٤ ملاعق كبار حليب بودرة ، بضيف عليهم كوبين سمنة ساخنة وبحرك بالملعقة ليبدأ السميد يمتص السمنة بصير بفركه فرك براحة اليد ليصير قوامه متل الرمل ، بغطيه وبتركه لتاني يوم وممكن يومين ، مع تكرار فركه كل ٦ ساعات تقريبا ، باليوم التاني بضيف للخليط ملعقة صغيرة مستكة مطحونة مع رشة سكر ، ربع كوب ماء زهر ، ٦ ملاعق سكر مدوبين بكوب ماء ، بضيف الماء بالتدريج وبجمع العجينة تجميع بعدين بدعكا براحة ايدي ، بتركها ترتاح اقل شي ساعة بالتلاجة وبعدا بطلعا وبدعكا وببدأ بتشكيل المعمول ، بكور العجينة كرات صغيرة وبحشيها وبشكلها ، بدخلها فرن محمى نار من تحت حوالي ٨ دقايق ، بعدين بحمر الوجه ، بترك الحبات بالصينية لتبرد بعدين بحفظها بعلبة مبطنة بنايلون ، مابستعمل تحت المعمول ورق زبدة أو محارم مطبخ لأنها بتسحب السمنة منه وبتخليه ينشف ويقسى . #حلويات_حنين_اللذيذة #ضيافة_العيد_حنين #معمول #معمول_تمر #معمول_العيد #معمول_سميد #معمول_بالفستق #تقديمات #تقديمي #يوم_عرفة #عيد_الاضحى #اكسبلور #وصفات #حلويات #وصفات_سهله #معمول_هش #مخبوزات #تقديمات_ضيافه #الرياض

الفئة