#دير_الزور #سوريا
مصادر :
https://m.facebook.com/story.php?story_fbid=512152606847320&id=101227764606475
📌 #ديرالزور 💜
📌 الدير محافظة سورية صايرة
بشرق البلاد قرب الحدود العراقية ..
📌 بتتميز هالمحافظة (بنهر الفرات)
و (الجسر المعلق) يلي هو اهم معالم
المحافظة من عشرينات القرن الماضي.
📌 دير الزور من المدن المشهورة
بطبخة ( البامية ) وبسموا هالطبق
ثرود ومشهورة ( بالسمك الفراتي )
📌 وكمان عندهن ( كباب ديري )
مختلف عن الكباب اللي بتعملو باقي
المدن السورية ..
📌 بيعملوا كعك بسموه ( كليجة )
ديرية وخاصة بالأعياد ..
📌 من اهم الآثار ( مملكة ماري )
📌 سكان ديرالزور متنوعين :
▪️عرب مسلمين : عبارة عن عشائر
بعضهم بيرجع للسعودية والبعض لليمن
او العراق او من اصل سكان بلاد الشام ..
الغالبية من اهل السنة مع وجود اقلية
شيعية ..
▪️ ومسيحيين : سكان اصليين كمان ..
متوزعين على خمس طوائف بالمحافظة،
سريان ارثوذكس ، سريان كاثوليك ،
أرمن رسوليين أرثوذكس ، أرمن كاثوليك ،
و لاتين كبوشيين كاثوليك ...
▪️سابقاً كان كمان في ( كلدان )
كاثوليك وطبعاً كنيستهم الأثرية
لسه موجود بقاياها بالدير .
▪️بعيش بدير الزور ايضاً اتباع الطريقة
الصوفية ( الرفاعية ) وغيرها ..
📌 دير الزور فيها مطار دولي وكان
فيها قبل الحرب رحلات جوية مباشرة
على الخليج وارمينيا وتركيا ومعظم الدول ..
📌 فيها جامعة حكومية للدولة
اسمها ( جامعة الفرات ) وبتضم معظم
الفروع والتخصصات الجامعية ..
📌 فيها مساجد و كنائس و مقامات ..
📌 من اهم المدن فيها :
▪️ البوكمال : سكانها اغلبهم مغتربين
بالخليج العربي تحديداً (بالكويت والسعودية)
من السبعينات بالقرن الماضي ..
▪️و الميادين : مدينة مهمة ومشهورة
وفيها نسبة عالية من المثقفين والمغتربين
(بروسيا) حتى انه الفكر الشيوعي منتشر فيها
وفيها مولات وآثار واسواق تجارية ..
▪️والموحسن : كمان مدينة المثقفين
واطلقوا عليها اسم (موسكو الصغرى)
📌 أبناء القومية الأرمنية
هنن من اهم المكونات بالمحافظة
و عندهن كنيسة اسمها (كنيسة الشهداء)
فيها رفات ضحايا الإبادة وكانوا الحجاج
الأجانب يجوا سنوياُ من يريفان عاصمة
ارمينيا وينزلوا بمطار ديرالزور بسوريا
مشان يصلوا بهي الكنيسة المهمة ...
📌 بعام 2010 اجت جمهورية ارمينيا
وفتحت (قنصلية أرمنية فخرية)
بمحافظة دير الزور لحتى تشرف على
شؤون ابناء الطائفة الأرمنية ...
📌اهالي الدير بسموا الجدة ( حبّابة )
وكتير من العائلات بتلاقي جدن عربي
و ستن أرمنية .. وهالشي عادي بديرالزور ..
📌 لهجة ديرالزور قريبة شوي
ع العراق الشقيق ولكنها مو متطابقة معها
📌 ديرالزور فيها أهم حقول النفط بسوريا
ومليانة ثروات باطنية وقمح وخضار و
غاز و فوسفات ..
📌 دير الزور متل اي مدينة عنا بسوريا
فيها أبنية سكنية طابقية .. فيها فيلات
وقصور وفيها شقق أرضية .. وبيوت ريفية ..
و مساحات خضرا.. مساحات صحراوية ....
📌 كانت تلقط البث الأرضي
للمحطات التلفزيونية العراقية سابقاً
وبيربطها علاقة تجارية وعشائرية مع العراق
وفيها معبر حدودي معها كمان ..
📌 بتشتهر الدير بأسواقها التاريخية ..
من (أيام العثمانيين والفرنسييين) ومن زمان
فيها محلات صياغة وصرافة فاتحينها
المسيحيين من اهل المحافظة.
📌 ساهم اهالي ديرالزور أيضاً
بطرد الإحتلال الفرنسي من سوريا ..
📌 فيها (حي الرشدية) بيتميز ببيوت
تصميمها قديم و تراثي جميل جداً
وفيها شارع اسمو ( ستة الا ربع )
📌 طلاب دير الزور رغم بعد المسافة ..
نسبة كبيرة منن بيجوا يدرسوا بالعاصمة
دمشق و بحبوا التعليم الجامعي ..
📌 نسبة من موظفي ديرالزور مسؤولين
كبار بالدولة والحكومة والبرلمان السوري و
ساكنين بمنطقة مشروع دمر بضواحي
العاصمة دمشق .. ومن اكابر الناس ...
📌 و رغم انها مجتمع عشائري ولكنها
مدينة المتعلمين والمثقفين والجامعيين
وشعب متمدن و مغترب وبحب الشغل و
السعي و شايف كتير ..
📌 عانت ديرالزور من الإهمال الإعلامي
حتى انه السوريين بالغالب ما بيعرفوا عنها شي ..
والمسلسلات ما بتوصل الصورة الصحيحة عنها
📌 اللغة الرسمية بالدير للكل هي العربي ..
بس في لغات محلية للمكونات الاخرى متل
اللغة الأرمنية واللغة السريانية (بين بعض) ...
📌 بتختلف اللهجة بين الريف والمدينة.
🌿 تحية معطرة لأهالي ديرالرجال بسوريا والمهجر 🌿
.......
متواجد على :
Facebook :
https://www.facebook.com/2014.hema.love
instagram : https://instagram.com/Ibraheem_Hamdan.2020
لدعم المحتوى على Patreon & PayPal
Patreon :
https://www.patreon.com/ibmh2019
paypal :
https://www.paypal.me/ibmh2019