يلنجي بطريقه لذيذه باكسرين

طريقة عمل يلنجي مع الرمان ودبس الرمان المكونات 1. كيلو ورق عنب 2. كيلو ارز مصري (خمس كاسات ارز) 3. ضمتين بقدونس كبار 4. صمة نعنع 5. راس ثومة 6. بصلة 7. بصلتين اخضر 8. حبتين بندورة 9. حبتين لبمون 10. معلقة ملح ليمون 11. ماجي ٥ مكعبات 12. حبة رمان 13. دبس رمان ٣ ملاعق كبار 14. النكهات 15. معلقة كبيرة بهارات مشكلة 16. معلقة صغيرة تومة بودرة 17. معلقة صغيرة بصل بودرة 18. معلقة كبيرة ملح 19. زيت زيتون مقدار فنجان صغير 20. ماء ساخنة لسلق ورق العنب او نقعه 21. حبتين بطاطا 22. حبتين ليمون 23. حبتين بندورة 24. حبة بصل للطبيخ 25. وتلات سنان تومة الطريقة 1. نضع ورق العنب داخل الماء الساخن حتى يدوب اذا كان بادي او من الشجر ونسلقه اذا كان امريكي او ورقته خشنة 2. نحضر لخلطة الارز ننقع ارز مقدار كيلو مصري لمدة نص ساعة 3. نفرم النعنع والبقدونس والبصل والتوم فرم صغير جدا 4. نفرم البندورة صغيرة والبصل الاخضر 5. نضع على الارز البصل والتوم والبندورة والبقدونس والنعنع ثم نضع معلقتين دبس رمان 6. نضع ملح وماجي بودرة او مكعبين ماجي 7. نضع ملعقة كبيرة من زبت الزيتون 8. نضع البهارات المشكلة والبصل البودرة والتومة البودرة ونحرك الخليط جيدا 9. نفرد ورق العنب ونضع القليل من الارز اذا اردناه رفيع ونضع الكثير اذا اردناه عريض ثم نثني الورق حتى ننتهي من الكمية 10. نجهز الطنجرة نضع حلقات من البصل والطاطا الشرائح والبندورة ثم نرتب ورق العنب بشكل دائري حتى تنتهي جميع الكمية 11. نضع حبة بندورة وحبتين ليمون وددبس رمان وخمس مكعبات ماجي او مغلفين ماجي بودرة ونصع الماء الساخن ونضع صحن عندما تغلي المياه نوطي الغاز على الاخر ونغطي الطنجرة نتركه من ساعة الى ساعتبن حسب نوعية الورق 12. ونقدمه اما ساخنا او باردا ويزين بالرمان وصحتين والف عافية ويا رب تكون عجبتكم الوصفة جربوها بتجنن ولذيذة كتير وتابعونا بوصفتنا الجاية

الفئة