ماسك لعلاج الصلع وتطويل اصعب انواع الشعر الافريقي باكسرين

٦شهور وانا بجرب في ماسكات تطويل مختلفة لحدي مالقيت الماسك الرهيب دا، ساعدني اني انبت صلعة في شعر بسبب مرض الثعلبة. بعد شهور عديدة من التجارب المنزلية الفاشلة لايجاد ماسك شعر ترطيب رهيب لنوعية شعري، اخيرا ياجماعة انا قدرتا الاقي الماسك المنزلي الرهيب دا لتطويل وتنعيم الشعر الافريقي منخفض المسامية! انا اسمي ساندرا اذا اول مرة بتفرجوا علي اهلا بيكم ع قناتي وماتنسوا انكم تضغطوا ع زر الاشتراك وتنضموا لعائلتنا الافتراضية الصغنونة دي واتفعلوا زر الجرس عشان ماتفوتكم اي فيديوهات انا بنزلها💜 واذا انتوا من الناس القديمة فالبجد ياجماعة مشتاقين شديد💜 في فيديو الليلة حنعمل مع بعض ماسك الارز للشعر منخفض المسامية! كمان برضوا حنتكلم عن تعريف الشعر منخفض المسامية وطريقة اختبار مسامية الشعر في المنزل وهي شنو فوائد الارز للشعر منخفض المسامية. الحاجات دي كلها مهمة ليه؟ عشان لمن نعرف نوعية مسامية شعرنا بيكون ساهل جدا علينا اننا نعرف هي شنو المكونات المنزلية او الموجودة في الاسواق الممكن نستخدمها ع شعرنا هيا شنو وتكون مناسبة ليه، ونحقق الغاية الكبيرة ! الي هيا الحصول ع شعر طبيعي صحي وجميل ومترطب! اول حاجةو قبل مانطبق اي مساك منزلي علي شعرنا او نستخدم اي منتجات للعناية بالشعر! احنا لازم نعرف هيا شنو مسامية الشعر وانواعها. مسامية الشعر هي قدرة الشعر علي امتصاص ال الزيوت الرطوبة والحفاظ عليها وبتختلف من نوعية شعر الي اخر ودا موضوع حنتكلم عنه في فيديوهات جاية لقدام لكن هسي خلونا نركز بس عن نوعية الشعر المنخفض المسامية لانها موضوع الماسك حق الليلة دا! الشعر منخفض المسامية غير قادر علي امتصاص المنتجات والرطوبة بسهولة! يحتفظ بالرطوبة والمنتجات لمدة طويلة عشان حدًا بنلاحظ عليه دائما تراكم المنتجات والزيوت عليه من بره! مابينشف بسرعة نهائي ، يعني لو غسلتيه بليل وربطتيه بيكون مرطب للصباح. واذا استخدمتي الحرارة عشان تجفيفيه، بيتكسر ويتقصف! حيرنا معاه غايتو ليه شعرك منخفض المسامية؟ غالبا بسب الوراثة يعني معاك معاك لكن الناس مع التجارب الكثيرة لقت منتجات وزيوت كثيرة تناسبه وتساعد علي ترطيبه بشكل عميق وتطويله بطريقة صحية وكمان لقو كمية من الزيوت المناسبة لمسامية الشعر المنخفضة: زي زيت الارغان وزيت الجوجوبا وزيت اللوز الحلو وزيت المشمش وزيت عباد الشمس الاحنا حنستخدموا في ماسك الليلة دا!

الفئة