اطيب دجاج مشوي بالفرن مع الارز بالزبيب (اكلات سورية) باكسرين

طريقة التحضير اول شي بنقع الدجاجة بالمي والخل والملح ساعتين بعدين بغسلها منيح بالمي وبتبلها التبلة معلقتين لبن وشوية توم وزيت ومعلقتين خل وعصير ليمون وملح وبهارات وفلفل وبابريكا ومعلقة دبس فليفلة وشوية كتشب تبلتن بالليل وغطيتن بنايلون وحطيتن بالبراد وتركتن لتاني يوم بعد ماشكشكتا بالسكين مشان تتشرب التبلة تاني يوم حطيت الفراريج والتبلة اللي معن وحطيت بقلب الفروجة قطع بصل بتعطي نكهة وبتقضي عالزنخة نهائي وسكرت الكيس وعالفرن حرارة ٢٠٠ لمدة ساعة ونص وبعدين فكيت الكيس وتركتن يتحمرواشي عشر دقايق من فوق وماننسى نعمل ثقب بالكيس مشان البخار ومنحطن هنن والكيس بصينية الفرن ملاحظة :اذا حبيتوا تعملوها بدون كيس حراري كمان بصير نفس الطريقة تمام بس حطوها بالصينية وغطوها بورق الزبدة وفوقه ورق قصدير وبالفرن لمدة ساعة بعدين كشفوا عنها وتركوها تتحمر كمان بتزبط بس بالكيس بتطلع اطيب وبتستوي اكتر ودايبة لتحضير الرز بالزبيب بنقع الرز بمي عادية لمدة ساعة وبغسله وبصفيه وبنفس الوقت بنقع الزبيب كمان بمي دافية وبفرم بصلة صغيرة ناعمة وبقليها بشوية سمنة وزيت مع البهارات اللي هنن ورق غار وعود قرفة و٣ حبات هال وحبتين قرنفل وسبع بهارات وفلفل اسود وكاري وكركم وبضيف عليها الزبيب بعد ما اصفيه من المي وبقليهن كلن سوا لتنتفخ حبات الزبيب وبضيف الرز وبقلبه كم تقليبة مع باقي المواد وبحطله الملح وبضيف المي الساخنة تغطي الرز اصبعة ونص وبس يغلي بغطيه وبوطي النار عالاخير تقريبا ربع ساعة لتنشف ميته ويتهدى ويستوي وبكون صار جاهز وصحة والف هنا #رز#دجاج#مشويات#طبخات

الفئة