قصيدة الشاعر محمد السكران يتكلم بها عن سبب عزلته باكسرين

يارب خذني بين اياديك تايب قدام اجيك علوّ الامتان مشيول لو ماني العبد المطيع المثايب ومانيب سيفٍ فوق اعاديك مسلول لكني اطهر من مزون السحايب كني من مياه السماوات مغسول ان جيتني يا ليل ويش انت جايب يامرحبا واللي يجي منك مقبول نفسي لها مدة لعينة صلايب من دونها باب الوناسات مقفول كلن يشوف اني مقصر وغايب وانا مقصر صدق .. مدري وش اقول قمت اتعذر بالشغل والطلايب وانا قسم بالله مانيب مشغول مقفل(ن) جوالي ابلا سبايب هالحين لو دقيت تلقاه مقفول عيت على صدري تهب الهبايب لا اداني الجمعه ولا اداني الضول ماكن لي بين الحبايب حبايب لو اضحك شوي اتعومس على طول خسرت ربع(ن) طيبين وقرايب احبهم .. لكن مابي منهم الزول مانيب والله يارجاجيل خايب تدرون بي مانيب هامل و مجهول معي بلا(ن) عجزت عليه الطبايب يتكني وانا ماعندي له حلول تمكنت بي لين شفت العطايب الى بغيت اصدها سجّلت قول واشوف في ذا الناس سبع العجايب انقلبت الطاسة من العرض للطول راحت مراجلنا مراح الركايب ماعاد يبغى المجتمع غير مبدول حتى مجالسنا لحقها الغرايب تشوف فيها شي ماهوب معقول باطرافها تلقى سنافي وشايب ومصدّرين من المهابيل مهبول ما يستحون من الخطا والمعايب والبث فيها حي ماهوب منقول الماء القراح مغثربته الشوايب واللغز لغزن صعب ماهوب محلول وين الحصان اللي يفك النشايب اللي كفلني يوم مانيب مكفول تجيه راسك موجعته المصايب وتروح كنك ماكلن لك بنادول من عقب ماكنا اخوان وصحايب ماعاد اشوفه غير في سته ايلول ياليتني بين اللحد والنصايب اشوا ولا اشوفه من الحول للحول 💔

الفئة