Ama. Iba’t ibang Kwento.
Si Juan
Napagalitan ng boss sa trabaho
Napahiya sa harapan ng mga kabaro
Tinanggap ang mga salita, inilabas sa kabila.
Kailangang maging kalmado para okay siya pag-uwi sa kanyang pamilya
Lalo na’t nakaabang ang mga anak, naghihintay ng aginaldo mula sa kanya.
—
Si Peter.
Batang Ama, nakabuntis kahit wala pang diploma
Nangakong pananagutan ang mag-ina kahit tutol ang pamilya
Hindi nakapagtapos, inuna ang maghanap ng trabaho
para may pangkain sa minamahal at unica hijo.
—
Si Ben.
Tahimik lang pero istrikto
Kapag ginalit mo, gugustuhin mong magtago
Pero kapag nasaktan ang anak
Kahit sino ka pa, mananagot ang nagkasala, mangingig sa sindak kahit kontodo pa ang iyak
—
Si Roger.
Nagkamali na noon,
nasaktan ang pamilya sa isang pagkakamali na nauwi sa isa pang babae.
Nagsisi, nagmakaawa, lumuhod sa harap ng pamilya ng asawa.
Nangakong hindi na uulit kay misis at habang-buhay na babawi.
At para sa mga anak, itutuwid ang pagkakamali
—
Si Jack.
Hindi kadugo ang tinuturing na anak.
Niyakap ng buo, pinalaki ng mabuti
Nagsikap hanggang mapagtapos ito
Walang makakapagsabi na hindi siya ang ama
nang batang iniwan sa kanya ng dating asawa.
—
Si Lolo.
Pinalaki ang apo. At kahit masakit ang mga buto, todo kayod pa din ito.
Kahit magsakit, hindi iindahin, maaga pa ding gigising para asikasuhin ang aanihin.
—
Si Mark.
Walang anak. Pero inako ang maraming gastusin ng mga pamangkin
Lumaking tuwid ang tangi niya lang hiling
sa nga minamahal at sinusubaybayang mga pamangkin.
—
Si Flor
Misis ang may trabaho
kaya madalas asarin ng mga ususero
Minamaliit ang kanyang pagkatao.
Pati misis sinisiraan, kung anu-anong iniembento
Pero alam niya ang totoo at ang tunay na sakripisyo
nang dalawang taong
hinarap ang hamon ng buhay
nang walang pagrereklamo.
Nang mag-asawang magkatuwang sa pagtaguyod ng pamilya
Hindi siya walang kwenta dahil lang sa hindi siya ang kumikita
dahil alam niyang hindi rin biro at hindi matatawaran ang pagpapalaki ng mga supling mo.
—
Si Jose.
Mahal na mahal ang asawa
at kasama mga anak, sila ang sentro ng buhay niya
Ang “Yes Man” ng kanyang pamilya
Sa saya nila sinisiraan siya
Minsan apektado siya dahil napapaniwala
na siya ay under de saya
Pero isang tingin lang niya sa masasayang mukha ng pamilya
Panalo na lang feeling niya
ano ngayon kung under de saya o kung ano pa ang sabihin ng iba
hindi naman sila kasing saya tulad niya at ng pamilya niya
—
Si Ador.
Hindi siya eksperto sa pagpapalaki ng unica hija
Hindi siya yung napapanood mo sa drama na seryoso at matalinghaga ang mga payo
Pero siya ang nagpapatawa sa dalaga kung may problema
Minsan ginugulat pa ang anak kapag dumarating galing eskwela
Kontento na siyang taga-laba, taga-luto at taga-linis ng bahay
makaconcentrate lang ang honor roll na anak sa kanyang pag-aaral
Ako na bahala sa anak natin, ang sabi niya sa OFW na misis
Nagbunga naman ito kaya proud na proud sila ng asawa niya. Laging binibida sa mga kakilala.
Pero wala na siya. Maagang pumanaw sa edad na limang pu.
Ngunit buhay na buhay namn sa alaala ng kanyang mag-ina.
Ang dakilang “taga” sa mata ng iba, pero dakilang AMA sa mata ng pamilya.
—
Sa LAHAT NG KLASE ng AMA! Mabuhay kayo at salamat sa lahat ng sakripisyo.
Maligayang Araw po sa araw ng mga AMA
الفئة
عرض المزيد
تعليقات - 42
مقاطع الفيديو ذات الصلة على AMA. Iba’t Ibang Kwento: