كيتو دايت / كيكة الشوكولاته بدون طحين للكيتو دايت مع الشيف عبير منسي باكسرين

طريقة عمل كيكة الشوكولاته صحية و بمكونات متوفرة للكيتو دايت و موجودة بالبيت مع الشيف عبير منسي - شاهد طريقة التحضير و مكونات كيكة الشوكولاته للكيتو دايت كيكة شوكولاته مناسبه للكيتو دايت..صحية و سهلة وبمكونات متوفرة ورخيصة اهلا وسهلا بيكم ...هاي الكيكة مكونه من ٣٠٠ غرام دارك شوكولت ١٥٠ غم زبدة ١٥٠ مل كريمة ٤ ملاعق محلي صناعي . احنا استخدمنا ...ستيفيا. صفار ٦ بيضات بياض ٦ بيضات بالاول بنحط الشوكولاته على طنجرة فيها مي عل نار هادية... احنا استخدمنا دارك شوكولت خالية من السكر . بتسبة ٨٥ % .... نسبه اقل من هيك و ما بتكون مناسبه للكيتوا....ونسبه اكثر من هيك الطعم ممكن يطلع مر ... بنحرك شوي وبعدين بنضيف الزبدة و بنحرك ..ولما تذوب الزبدة ...بنضيف الكريمه و بنحرك...بعدين بنضيف السكر و بنحرك...وبنضل نحرك ليصير المزيج مثل هيك . .. بعدين بنحطة عل جنب ليبرد تماما و من هون ليبرد بنحط بياض ال ٦ بيضات بالخلاط و بخفقهم لمدة ١٠ دقاءئق... بنحط البياض على جنب و بنجيب خليط الشوكولاته. بنحطة بالخلاط...و بنضيف عليه صفار ال ٦ بيضات واحدة واحدة ...ما بنضيف الا لما نتأكد انها نخلطت كويس مع المزيج ولا ما تخلص هالعمليه بنجيب بياض البيض و بنصير نضيفة على دفعات على خليط الشوكولاته مع التحريك شوي شوي ....حتى تطلع معنا كيكة هشة وناعمة و بنضل نحرك بالأيد ليصير الخليط هيك و بعدين بصنية الكيك بنرش ساءل مضاد للالتصاق و بنسكب الخليط فيه و بنحط الكيكة بفرن ساخن على درجة حرارة ١٦٠ لمدة ٥٠ دقيقة ولما تطلع من الفرن بنشكها بعودة اسنان لتتأكد انها استوت . شايفين كيف العودة طلعت ناشفة...معناته الكيكة مستوية...بنتركها تبرد لمدة ساعة إلى ساعتين بعدين بنزينها ب فراولة و بلو بيري... هاي الكيكة ممكن تنقسم ٨ أجزاء...وراح نكتبلكم القيمة الغذاءية للجزء الواحد. واذا اكلنا قطعة واحدة كل يوم ما راح نطلع من الكيتو....بس بشرط نوكل قطعة واحدة باليوم بس مش اكثر ...ممنوع الغش .. -- التعليق ميشيل جبلي تقديم الشيف عبير منسي -- تابع أحدث وصفات إنقاص الوزن والطعام الصحي علي الفيس بوك : https://www.facebook.com/sweethandsvi ... تابع جديد الشيف عبير منسي علي الإنستغرام : https://www.instagram.com/sweet._.hands/ #كيتو_دايت #رجيم _الكيتو #وصفات_كيتو_دايت

الفئة